Ужасно злосторство го шокираше светот: Се вратил дома и кога не ги затекнал жената и четирите деца, крвавите траги открија ужасна вистина

Ужасно злосторство се случи во Индија. Разбеснета толпа линчуваше мајка и нејзините 4 деца и ги фрли во бунар под обвинение дека е вештерка.

Телата на Мангри Мунда и нејзините деца се пронајдени во близина на нејзината куќа во државата Ориса, а полицијата ги пронајде следејќи ги крвавите траги до местото на убиството.

Мангри, нејзините два сина и две ќерки, од една до 12 години, спиеле кога група мажи упаднале во нивната куќа на 26 јануари.

Шестмина мажи упаднале и до смрт ја претепале мајката и нејзините деца со дрвени палки и секира, по што нивните тела ги фрлиле во бунарот. Кога мажот на жртвата се вратил дома следното утро забележал траги на насилство и го пријавил нивното исчезнување.

Полицијата успеала да го уапси главниот осомничен за убиството, кој тврдел дека е врач.

Тој ги обвинил жртвите дека фрлиле магија на друго семејство во селото, а според неговите зборови, Мангри користела црна магија поради која наводно едно 12-годишно девојче се раболело и умрело во декември.

Полицијата се уште трага по останатите учесници во ова монструозно злосторство, а сите тие се осомничени за убиство, криминална завера и лов на вештерки, но официјални обвиненија допрва треба да бидат покренати.

Во ова место во Индија во пораст е бројот на убиства поврзани со вештерство, и покрај тоа што е забранет ловот на вештерки. Во 2017 година забележани се 99 случаи на „лов на вештерки“. Експертите велат дека мотив на овие напади и убиства освен празноверие често се и земја и имот на жртвите, а на мета најчесто се вдовици.

Девет лица минатата година се осудени на смртна казна поради убиство на тројца членови на семејство кои ги обвиниле дека се вештерки.