Неформален состанок на министрите за надворешни работи на ЕУ и земјите кандидати
Министрите за надворешни работи на членките на ЕУ денеска во Букурешт ќе одржат неформален состанок со шефовите на дипломатиите на земјите кандидати за членство во Унијата.
Неформалната средба на шефовите на дипломатиите на ЕУ во Букурешт почна вчера, кога еврокомесарот за проширување Јоханес Хан информира дека една од темите на денешниот состанок ќе биде редовен преглед на ситуацијата на Западен Балкан.
– Ќе го прославиме она што го постигнавме со идна Северна Македонија. Тоа, се надевам, ќе придвижи понатамошна позитивна динамика во регионот и ќе стимулира повторно придвижување на дијалогот меѓу Белград и Приштина, истакна вчера Хан.
Домаќин на средбата е шефот на романската дипломатија Теодор Малешкану, чија земја е актуелен претседавач со Унијата, а со собирот ќе претседава високата претставничка на ЕУ за надворешна политика и безбедност Федерика Могерини.
Романија при преземањето на претседателството со Европскиот совет на почетокот на годината, најави дека нејзини приоритети во овие шест месеци ќе бидат зголемување на кохезијата меѓу земјите членки на Унијата, зачувување на безбедноста, јакнење на улогата на Унијата како глобален лидер и проширувањето на ЕУ.
Ново на Сител
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога