Струга подготвена за Водици 2019

 Струга е подготвена за големиот христијански празник Богојавление – Водици, што православната црква го празнува на 19 јануари.

Спуштањето на светиот крст во водите на реката Црн Дрим ќе биде во 11 часот од Чаршискиот мост, а ќе го изврши митрополитот дебарско-кичевски Тимотеј.

Претходно во црквата „Свети Ѓорѓи“ ќе се одржи утринска богослужба и литургија, а во 10 часот и 30 минути верниците ќе тргнат кон мостот.

Пријавувањето на капачите ќе биде утрото во 9 часот пред хотелот „Београд“.

Среќниот фаќач на светиот крст ќе биде даруван со пригодни подароци од годинашниот кум на манифестацијата и спонзори.