Ниту еден малезиски монарх не абдицирал повеќе од 60 години откако Малезија стекна независност од Велика Британија. Султанот Мухамед В. (49) ја прекина таа традиција поради љубов.
„Неговото височество му порачува на народот и натаму да биде обединет за да се одржи единството, толеранцијата и во заедништво да се работи“, соопштија од палатата, но не ги наведоа причините за напуштањето на круната. Минатиот декември султанот тоа што малку се појавувал во јавноста го правдаше со лекување, а потоа истиот месец се фотографираше на свадба.
Се ожени со поранешната Мис Москва, Оксана Воеводдина (25), која поради него премина во ислам. Крал стана во декември 2016 година. Важеше за владетел со модерен дух зошто уживаше во екстремни спортови, како оф-роуд возење и стралаштво.
Малезија е единствена земја на светот со ротационо владеење во која девет семејства уживаат во круната, а владетелите се менуваат на секои 5 години. Таму кралот главно има протоколарна функција, бидејќи вистинската власт е во рацете на премиерот и парламентот.
