Наезда на медузи во Австралија: Илјадници луѓе настрадаа, плажите затворени, капачите во агонија

Околу 2.600 лица се здобија со изгореници во текот на викендот од медузи на плажите во австралиската држава Квинсленд, кои сега се затворени поради наездата на огромен број медузи.

Станува збор за таканаречените 'Bluebottle' медузи чии изгореници се болни, но обично не се смртоносни.

Најчесто силните ветрови нанесуваат колонии медузи близу брегот.

Минатата седмица 13.000 луѓе побараа помош поради изгореници, што е тројно повеќе во однос на истиот период минатата година.

Најмногу инциденти се забележани во регионот на Голд Коуст и Саншајн Коуст.