Голема ескалација: Русите отвориле оган - заземени се 3 украински воени бродови, има и повредени

 

Според последните информации кои што во текот на ноќта ги пренесоа руските медиуми, ситуацијата во близина на полуостровот Крим ескалираше – Русите изведоа нова агресија над Украина!

 

Како што потврди Руската безбедносна служба „ФСБ“, руските сили отвориле оган кон украинските бродови, а набрзо потоа и ги зазеле.

 

Да потсетиме, група на бродови на украинската воена морнарица навлезе во територија која што Русите тврдат дека е нивна во текот на вчерашниот ден, по што ситуацијата стануваше се потензична од час во час.

 

Русите најпрвин го блокирале теснецот со танкер, ги подигнале воените авиони, а сега пристигнуваат информации дека бил отворен оган кон украинските бродови. Руските медиуми пренесуваат дека тројца украински морнари се повредени и им била пружена медицинска помош. Според „ФСБ“, тие не се во животна опасност.

 

Украинската морнарица соопшти дека шестмина нивни морнари се повредени: „Бродовите се заземени од руските специјални сили“, потврдија од украинското министерство за одбрана доцна синоќа.

 

Од Киев тврдат дека нивните три брода пловеле од Одеса кон Мариопол и тие ја известиле руската страна од каде ќе поминат, додека пак Русите го негираат тоа.

 

Во меѓувреме, се огласија и од НАТО Алијансата од каде што ги повикаа сите страни на воздржаност: „Внимателно го следиме развојот на ситуацијата во Азовското море. НАТО целосно го поддржува украинскиот суверенитет и територијален интегритет, како и правото на пловидба во нивните територијални води“.