Општина Битола ја утврди програмата за празникот на градот
Општина Битола ја утврди програмата за одбележување на „4 Ноември“, денот на ослободувањето на градот, која според востановената традиција се реализира со повеќе манифестации, а завршува на денот на празникот со свечена академија.
Првата манифестација „Велосипедски хепенинг“ ќе се одржи утре напладне во битолскиот Градски парк, а според програмата планирани се промоција на книгата „Педагошко-психолошка служба во Битола и Битолско“ од авторот Ѓорги Лазаревски, концерт на пејачката група „Сирма Војвода“, доделување на наградите и промоција на аматерски документарни филмови од ФАДФ…
Централно внимание на годинашното славење на 4. Ноември – Денот на ослободувањето на Битола ќе биде посветено на јубилејот 50 години од денот на збратимувањето на Битола со францускиот град Епинал, и во рамки на таа програма ќе бидат отворени изложба на тема „Претставување на Св.Никола во делата на Жан Пол Маршал“, сликар гравер во дрво од Епинал, и изложба на фотографии на тема „50 години соработка Битола-Епинал“ чиј автор е фоторепортерот и новинар Петар Ставрев.
Свечената академија и доделувањето на општинските награди и признанија за годишни остварувања, како и наградата за животно дело е закажано за в недела вечер во битолскиот театар.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје