НБА: Рекорди за Леброн и Данкан

Кошаркарот на Кливленд, Леброн Џејмс од ноќеска е најмладиот кошаркар во НБА со постигнати 25.000 поени.

Џејмс до рекордот стигна на возраст од 30 години и 307 дена, поминувајќи го Коби Брајант кој беше досегашен рекордер со 31 година и 351 дена.

 

Леброн стана шестиот активен играч со 25.000. Покрај него такво достигнување од оние кои се уште настапуваат во НБА лигата имаат: Дирк Новицки од Далас, Тим Данкан од Сан Антонио, Кевин Гарнет од Минесота, Коби Брајант од ЛА Лејкерс и Пол Пирс од Клиперс.

 

Во победата над Филаделфија Леброн учествуваше со 22 поени, 11 асистенции и 9 скокови и му фалеше само еден скок за трпил-дабл.

Рекорд запиша истотака и Тим Данкан кој во дресот на Сан Антонио ја постигна 954 победа. Тој во дуелот против Њујорк постигна 16 поени и 10 скокови. Данкан ја игра 19.та сезона во Сан Антонио и целата кариера игра во ист тим (954 победи-381 порази). Тој успеа да го собори рекордот на Џон Стоктон од 953 победи и 551 порази).

 

Резултати на натпреварите од НБА лигата одиграни ноќта понеделник кон вторник:

 

Филаделфија - Кливленд 100:107, 

Бруклин - Милвоки 96:103,

Њујорк - Сан Антонио 84:94,

Хјустон - Оклахома 110:105, 

Минесота - Портланд 101:106, 

Голден Стејт - Мемфис 119:69,

ЛА Клиперс - Феникс 102:96.