Акција „Македонија без отпад“

Министерството за животна средина и просторно планирање во соработка со здружението за одржлив развој и заштита на животната средина ГОУ Грин од Скопје и Градот Скопје организираат акција Македонија без отпад 2018 година која ќе почне денеска. Стартот ќе биде означен во општина Кисела Вода од страна на заменик-министерот за животна средина и просторно планирање Јани Макрадули.

Активностите за собирање на отпадоците ќе се одвиваат на две локации, на трим патеката покрај пругите во Кисела Вода, како и под мостот на бул. „Србија“.

Со поддршка од Министерството за образование и наука и Општина Кисела Вода дел од глобалната/национална акција за чистење на отпадоците ќе бидат учениците и наставниците од сите основни училишта кои се под надлежност на локалната самоуправа.

Општина Кисела Вода по повод Светскиот ден за чистење ги повика граѓаните да мапираат локации на кои има нелегални диви депонии на отпад, како би помогнале за поголема успешност на претстојната акција за чистење.