Грчките морнари стапија во 48-часовен штрајк

жСите бродови во Грција денеска ќе останат во пристаништата поради 48-часовниот штрајк, организиран од синдикатот на морнарите против новите економски мерки на Владата, кои го засегаат и овој сектор.

Синдикатот на морнарите ги повика бродските компании, кои превезуваат мигранти и бегалци, да не патуваат деновите кога е закажан штрајкот.

- Борбата, која ја почнавме денеска не е само борба за грчките морнарни, туку и за целото грчко општество. Пристигнува нова лавина од дополнителни антиработнички мерки и политики, не се остава никаков избор, се наведува во соопштението на синдикатот.

Учесниците во штрајкот бараат спречување на измените во пензиите на морнарите, кои се предвидено со реформите на грчкиот пензиски систем.

Грчките синдикати повикаа исто така за генерален штрајк на 12 ноември, кој ќе биде првиот по повторното доаѓање на власт на СИРИЗА во септември.