Во Охрид се санираат последиците од невремето
Општина Охрид информира дека по невремето кое попладево го зафати градот, екипи на ЈП „Охридски Комуналец“ веднаш излегоа на терен за да ги исчистат и санираат последиците.
Воедно, од општината апелираат до сите граѓани да ги информираат за сите локации каде им е потребна помош и има поголемо задржување на вода или се направени поголеми оштетувања, за да може итно да се реагира.
Граѓаните можат да пријават во Центарот за управување со кризи на телефонскиот број 195.
Инаку, во невремето проследено со обилен пороен дожд, град, грмежи и засилен ветер, што зафати повеќе градови во земјава попладнево, најмногу дожд до 16:00 часот наврна во Охрид, каде се измерени 28 литри на метар квадратен.
Според податоците од УХМР, попладнево под влијание на влажна и нестабилна воздушна маса беа североисточните и југозападните делови од земјава, а нестабилноста беше поинтензивна во регионот на Куманово и Крива Паланка, Пелагонија и Охридскиот регион.
Ново на Сител
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба
-
МОН: Започна печатењето на одобрените учебници од прво до седмо одделение