Полицијата откопа 6 вреќи од нива во Порој, за тоа што го пронајде во нив отвори истрага

Полицијата во нива во Тетовско Порој ноќеска пронајде минофлач калибар 60 милиметри со 18 гранати и рачен фрлач РПГ-7 со 5 ракети кои биле ставени во шест вреќи.

Од Министерството за внатрешни работи соопштија дека оружјето е пронајдено од страна на полициските службеници половина час по полноќ кога извршиле проверка на нива засадена со пченка во атарот на село Порој. 

Извршен е комплетен увид со учество и на јавен обвинител, оружјето е подигнато за натамошна постапка од припадници на Единицата за антитероризам на Министерството за внатрешни работи на Република Македонија. Станува збор за старо и неупотребливо оружје кое ќе биде уништено во соодветна постапка. Се работи на целосно расчистување на случајот.