Пензионерски викенд на Илинска Планина, Демир Хисар
Високо на падините на Илинска Планина, над селото Големо Илино, на зарамнетиот дел на планинскиот превој и самата граница помеѓу општините Демир Хисар и Дебарца, викендов кај манастирот „Св. Илија“, пензионери од општините Демир Хисар, Охрид и Дебарца, како и гости од здруженијата на пензионери од градот Врање, Србија и Поградец, Албанија одржаа заедничко викенд дружење.
Собирот на пензионерите го поздравија градоначалникот на општина Демир Хисар, Марјанче Стојановски, и градоначалникот на општина Дебарца, Зоран Ногачески кои заеднички потврдија дека средбите на пензионерите на Илинска Планина се традиција која придонесува да не се заборават Илинденскиот Демир Хисар и славна Дебарца.
- Овие средби ги обединуваат активностите на двете соседни здруженија на пензионери и истата е од исклучителна важност, не само поради придонесот што го има во зачувувањето на културната традиција и негување на фолклорот, туку е значајна и поради тоа што дава можност за дружење, социјализација и подолг и поквалитетен живот на пензионерите, истакна градоначалникот на Демир Хисар, Марјанче Стојановски на викенд средбата на пензионерите на Илинска Планина.
За време на престојот во манастирскиот комплекс „Св. Илија“, кај селото Големо Илино, учесниците од Србија, Албанија и од Македонија биле запознати со изградбата на двата конаци и обновата на црквата „Св. Илија“, информираат од секторот за односи со јавност на општина Демир Хисар
Ново на Сител
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи
-
Киднапиран, избоден и претепан скопјанец – Еден од напаѓачите негов колега
-
ЦУК: Пронајден е изгубен планинар на Плачковица
-
Земјотрес регистиран во Скопје
-
Велика Сабота - денот меѓу смртта и воскресението