Брак што ја вознемири Малезија
Бракот на 11-годишно девојче и 30 години постар маж предизвика бурни реакции во Малезија и барање минималната старосна граница за стапување во брак да биде 18 години.
Родителите на девојчето, кои се од Тајланд, изјавија дека ќе се согласат нивната ќерка да стане трета сопруга на Малезиецот, ако таа остане во домот додека да наполни 16 години.
Владата на Малезија соопшти дека нема официјален документ за бракот, склопен на Тајланд и оти го истражува случајот.
Додека УНИЦЕФ бракот го оцени како „шокантен и неприфатлив“.
Би-Би-Си објави дека се појавиле и фотографии на кои се гледа како младоженецот го држи за рака девојчето по венчавката.
Малезиецот веќе има две жени и шест деца на возраст од пет до 18 години.
Активистите во Малезија наведуваат дека младоженецот е успешен трговец, а родителите на девојчето живеат во сиромаштија, во североисточната малезиска држава Келантан.
Според малезиските закони, 18 години е минимална граница за стапување во брак, но шеријатските судови можат да дозволат брак на муслиманските двојки помлади од 16 години. Без дозвола на шеријатскиот суд бракот се смета за незаконски и младоженецот може да биде осуден на шест месеци затвор.
Ново на Сител
-
Американските сили објавија видео од Б-2А авионите пред нападот врз Иран
-
Да се избегнуваат патувања во земјите од Блискиот Исток со влошена безбедносна состојба, апелираат од МНР
-
Човек сам може да направи разлика, но, сите може да направиме историја, порача премиерот Мицкоски
-
Иран ќе продолжи со одмаздата како одговор на американските напади, вели висок ирански функционер
-
Мицкоски: Ќе се бориме да донесеме правда и да го урнеме системот на „бандитизам“ создаден од политички и бизнис структури
-
Бела куќа: Администрацијата на Трамп очекуваше иранска одмазда
-
Цените на нафтата паднаа за 5 отсто по нападот на Иран врз американската воена база
-
ИДФ го заврши својот досега најобемен бран напади врз Техеран