Лига Куп: Стоук го елиминира Челзи

Премиерлигашите Арсенал и Челзи синоќа ги завршија натпреварите во осминафиналето од Лигата купот.

Бранителот на пехарот Челзи е поразен на гостувањето кај Стоук по изведувањето пенали, откако дуелот заврши 1:1.

Домашните поведоа со голот на Џон Волтерс (52.минута), а изедначи Лоик Реми (90). По продолженијата немаше победник, а во последната серија од пеналите не реализираше Еден Азар за победа на Стоук од 5:4 на пенали.

Арсенал загуби со 3:0 на гостувањето кај Шефилд Венсдеј. На уште два дуела синоќа пеналите го решаваа победникот: Евертон – Норвич 1:1 (4:3 на пенали) и Хал – Лестер 1:1 (5:4 на пенали).

Вечерва се играат другите четири осминафинални дуели:

Ливерпул – Бурнемут,

Манчестер Сити – Кристал Палас,

Саутемптон – Астон Вила и

Манчестер Јунајтед – Мидлсбро.