Роднокрајна средба на битолските писатели во Македонија

Националната установа Универзитетска библиотека „Св.Климент Охридски“-Битола ја одржа 13. роднокрајна средба на битолските писатели во Македонија кои годинава разговараа на тема „Моите емотивни изблици преточени во збор“.

На собирот во Битола беа презентирани 13 излагања на исто толку писатели, а на слушателите, студенти од Педагошкиот факултет во Битола им беа подарени книги од писателот Радован П. Цветковски.

- Традиционалната роднокрајна средба на битолските писатели во Македонија е општествена и културна мисија за зачувување на вистинските вредности, за зачувување на мајчиниот јазик и култура, но пред се на пишаниот збор. Нашето послаение во заедницата, да бидеме носител на културните промени и навики за читање во градот, обврзува и мотивира за подигање на свеста за потребата од читање и за важноста на книгата во општеството, истакна Јелена Петровска, директор на НУУБ „Св.Климент Охридски“-Битола.

Во својата поздравна реч на собирот во Битола, Петровски потсети на проблемите со кои како што рече проблеми на книгата во овој милениум.

- Книгата, почнувајќи од овој милениум се соочува со уште еден предизвик на вечните барикади во борбата за својот опстанок, исто како и процесот на пишување и зачувување на јазиците со ограничена дифузија. Книгите се нашите сојузници во ширењето на образованието, науката и културата, и информации насекаде во светот, и затоа треба да се почитува моќта на книгите, рече Петровска.

Учесниците на 13. роднокрајна средба на битолските писатели во Македонија со минута молчење оддадоа почит на поетот и академик Матеја Матевски.