Од институциите зависи колку брзо Македонија и Србија ќе ги надминат нецаринските бариери
Не е исклучена можноста Мешовитиот комитет што го формираа Македонија и Србија на следната седница во Скопје да донесе официјален пакет мерки за надминување на нецаринските бариери и унапредување на размената.
Како што изјави за МИА Трајан Димковски кој го предводи македонскиот тим во Комитетот, на вчерашната прва седница во Белград биле разгледани сите барања и иницијативи поднесени од двете страни. Сега, вели Димковски, се останува на институциите. Од нивната реакција и меѓусебното усогласување ќе зависи кога ќе се одржи вториот состанок во Скопје, дали за една недела, десетина дена или по нешто подолг период.
- Вчера во Белград ги отворивме сите прашања кои сметаме дека се спорни. Ги разгледавме и продискутиравме. Во очекување сме да реагираат институциите, тие да ги усогласат иницијативите, рече Димковски.
На дневен ред на Комитетот беа заемното признавање на фито-сертификатите, укинувањето на маркичките за брашното, ГМО анализите што ги прави Србија врз македонскиот ориз, српскиот извоз на компир во Македонија и долгото задржување на пратките на граничниот премин до завршувањето на лабораториските анализи.
Во врска со вчерашниот состанок во Белград, денеска информираше и директорот на Агенцијата за храна и ветеринарство Зоран Атанасов, одговорајќи на новинарски прашања. Рече дека е постигнат напредок во разговорите со Србија за отстранување на нецаринските бариери.
Ново на Сител
-
Македонските граѓани кои планираат да патуваат од аеродромот во Тирана, на 15 и 16 мај треба да пристигнат 3 часа пред летот
-
Македонија ги дозна можните ривали за квалификациите за СП 2027
-
Мерц: ЕУ ќе воведе построги санкции кон Русија доколку неделава во Истанбул нема напредок во преговорите
-
Рјабков: Русија и Украина би можеле во Истанбул да разговараат за одржлив мир
-
Сакајте се така ќе ги сакате и другите | Даниел Трбогазов | Личен развој |Sitel Podcast 094
-
Зеленски: Путин се плаши од директни преговори со мене
-
Кривична пријава против измамник од Скопје, измамил две лица за над 100.000 евра
-
Владата ја усвои информацијата за набавка на инсулин и друга медицинска терапија за дијабетичарите