Турската „Тика“ ќе донира специјално возило на Заводот во Банско

Турската агенција „Тика“, на иницијатива на министерот за здравство Венко Филипче, на штитениците од Заводот за заштита и рехабилитација „Банско“ ќе донира специјализирано возило за превоз.

Од Заводот информираат дека возилото ќе биде наменето и приспособено за штитениците кои користат инвалидски колички и ќе имаат лесен пристап до него.

Од Заводот ја поздравуваат иницијативата на министерот за здравство и почетокот на реализацијата на овој проект. Сметаат дека со него ќе им се овозможи многу полесно движење на штитениците и ќе се подобри нивната социјализација.