Охрид: Син нападна татко, а со нож им се заканувал и на бабата и дедото

Секторот за внатрешни работи Охрид поднесе кривична пријава против С.К.(22) од Охрид поради постоење основи на сомнение за сторено кривично дело “загрозување на сигурноста при семејно насилство”.

На 31 јануари годинава во Охрид на улица “Париска Комуна” пријавениот, во неговиот дом, по вербална расправија, физички го нападнал неговиот татко П.К. (53), при што го скршил стаклото од влезната врата и му нанел расекотини на П.К., а потоа со нож им се заканувал на неговите баба и дедо.

По интервенција на полициски службеници, пријавениот бил лишен од слобода, додека неговиот татко со возило на Итна медицинска помош бил пренесен во Медицинскиот центар во Охрид.