Ќе светне во реканскиот крај, екипи на ЕВН Македонија работат на терен
Непристапните терени и лошите временски услови ја отежнуваат работата на екипите кои на терн ги отстрануваат дефектите на електричната мрежа од кои без струја се повеќе села по долината на Радика и мавровскиот регион.
Според првичните информации, дефектите се настанати на 30-киловолтниот далековод кој со струја ја снабдува општина Маврово-Ростуше.
- Освен селата во реканскиот крај, прекин во снабдувањето има и во селата Маврово и Ниќифорово. Проблемите настанаа со лавините во регионот. Дополнителни проблеми создаде и влажниот снег кој се налепил на проводниците и предзвикал кинење на јажињата. Од утринава екипи на ЕВН Македонија се на терен и работат на воспоставување на редовното снабдување, изјави за МИА Атанас Ковачевски, портпарол на ЕВН Македонија.
Ковачевски нагласи дека екипите се соочуваат со пристапноста до местата на дефекти, заради длабокиот снег и непроодноста, но се вложуваат напори и ангажирани се дополнителни средства и луѓе.
Ново на Сител
-
Учениците од утре на пролетен распуст, наставата ќе продолжи на 7 мај
-
Изборната кампања за двојните избори влегува во втората половина
-
Денеска е Цветници
-
Демократскиот сојуз ќе го одржи седмиот Конгрес
-
Во центарот на Куманово ќе биде откриен мурал со ликот на Бобан Трајковски кој беше убиен пред 23 години кај Вејце
-
Најмалку пет лица загинаа во торнадо во јужна Кина
-
Зеленски: На Украина и требаат најмалку седум ПВО системи „Патриот“
-
Сончево и релативно топло