Успешна спасувачка акција во ЈАР

Јужноафриканската телевизија „еНЦА“ утрово јави дека сите рудари се успешно извлечени од рудникот „Беатрикс“ на површината од земјата.

Рударите од вчера се наоѓаа на длабочина од 1.000 метри под земја. 

Рударската компанија „Сибање-Стилвотер“, најголем производител на злато во Јужна Африка, вчера соопшти дека околу илјада рудари останале под земја откако рудникот останал без електрична енергија поради бура. По извесен период беше обновено снабдувањето со електрична енергија.