Поранешни каталонски претставници поднесоа тужби до ОН
Тројца сменети членови на каталонската Влада, кои се во притвор во Шпанија, поднесоа тужба до работната група на Обединети нации за произволно притворање, соопштија нивните адвокати.
- Нивниот притвро во Шпанија претставува кршење на човековите права и има за цел да ги спречи да бидат претставници на каталонскиот народ, изјавија адвокатите кои ги застапуваат Жорди Санчес и Жорди Куишарта, како и поранашниот потпретседател на каталонската Влада, Ориол Жункерас.
Адвокатите посочија дека ОН не треба да се изјаснат за независноста на шпанската покраина Каталонија туку да потврдат дека „ниту една влада не смее да ги угнетува своите политички противници користејќи произволен притвор“.
Поранешните каталонски претставници се приведени во октомври минатата година откако Каталонија прогласи независност. Централната власт во Мадрид веднаш реагираше, воведе директна управа и ја смени регионалната влада. Во меѓувреме приведени се членовите на поранешната влада и беа организирани избори на кои сепаратистичките партии освоија мало мнозинство.
Работната група на ОН за произволно притворање е дел од Советот на ОН за човекови права и е сочинета од експерти од цел свет. Има за цел да ги истражи случаите на притвор, но резултатите од истрагата не се обврзувачки.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава