ЕП - Хрватска 2018: Талески: Последните 10 минути беа со многу грешки

Поразот од Чешка тешко го доживеаја сите македонски ракометари особено што имавме водство околу 50-тина минути. Филип Талески беше најефикасниот во нашиот тим со 5 голови.

- Лоша одбрана одигравме во последните минути, имавме многу грешки кога не требаше. Желбата беше голема да се победи, јас имав грешки во одбраната. Примавме многу лесни голови, а во нападот се мачевме да постигнеме гол особено во последните 10 минути, тоа беше клучот на натпреварот. Се договоривме да гинеме, но тоа не се случи на крај посебно последните 10 минути. Кога се играат вакви натпревари, потребна е поголема концентрација, јас последните 10 минути се изгубив можеби направив грешка што не побарав измена, но желбата беше поголема да го доиграм натпреварот и тоа се покажа погрешно, изјави Талески.