Дедо Мраз со транспортен воен хеликоптер ќе слета во Петровец

Утре во организација на припадниците на Воздухопловната бригада на АРМ (ВБР), ќе се одржи традиционалната церемонија на поделба на новогодишни пакетчиња на децата на загинатите и починати припадници на бригадата и на деца на припадници на ВБР и останатите команди и единици на Аемијата и Министерството за одбрана.

Активноста ќе се реализира на воениот дел од аеродромот ,,Александар Велики“ во касарната ,,Страшо Пинџур“ во Петровец, со почеток во 11 часот. Оваа активност на припадниците на АРМ која традиционално се одржува во пресрет на новогодишните празници, стана препознатлива особено за најмладите поради симболично пристигнување на „Дедо Мраз“ со транспортен воен хеликоптер од составот на ВБР.