Одлуката за екстрадицијата на Грујевски и Бошковски ќе биде соопштена идната среда
Одлуката за екстрадиција на поранешните началници во Управата за безбедност и контраразузнавање (УБК) Горан Грујевски и Никола Бошковски, Судот во Солун ќе ја соопшти идната среда.
Како што информира Телма, на комплетната документација испорачана од Македонија, Судот денеска го ислушал и исказот на нивниот адвокат Петар Василев, кој тврди дека делата за кои се обвиниети двајцата поранешни разузнавачи се спротивни на многу закони во Македонија и Грција. Според него, судот треба да ја одбие екстрадиција.
Судот ќе ја донесе одлуката, откако на рочиштето ќе ја сослуша и сопругата на Горан Грујевски, која е предложена како сведок во негова одбрана.
Грујевски и Бошковски се во притвор во затвор во близина на Солун. На двајцата им се суди во солунскиот суд и за фалсификуваните пасоши со кои беа фатени на 18 октомври годинава на аеродромот во Солун, кога се обидоа да заминат за Будимпешта.
Претходното рочиште за лажните пасоши не се одржа бидејќи не беше присутен еден од останатите обвинети, кој исто така бил заедно со Грујевски и Бошкоски. Ова судење е одложено за 17 мај 2018 година.
Судењето за лажните пасоши е одвоено од постапката за нивна екстрадиција.
Ново на Сител
-
Успешна мисија: Спасено 16-годишно девојче кое паднало во дол
-
На Табановце се чека 15 минути, на другите гранични премини нема подолги задржувања
-
Собранието ќе ги пополни местата на пратениците кои станаа министри
-
Асанж пуштен од затворот во Велика Британија
-
Почнува собраниската постапка за дополнување на Законот за енергетика за да се намали цената на струјата од 1 јули
-
Официјално претставување на проектот за развој на парк на ветерници, вреден над 500 милиони долари
-
Македонија трета во Европа според стапката на смртни случаи од огнено оружје
-
ЕУ ги започнува преговорите за членство со Украина и Молдавија