Апостолска - Јанакакис: Постои простор за унапредување на економската соработка

Постои простор за унапредување на бизнис врските, оценија денеска министеркaта без ресор задолжена за странски инвестиции Зорица Апостолска и амбасадорот на Република Грција Димитрис Јанакакис.

На средбата, како што соопшти Владата, Апостолска го информира Јанакакис за позитивното искуство од зачестените контакти со претставниците на грчката бизнис заедница, истакнувајќи дека економски партнерства треба да се развиваат независно од политичките предизвици.

Јанакакис, пак, нагласи дека постојат многу перпективи пред бизнис заедниците од двете земји. 

Во текот на разговорот стана збор и за економското значење на Коридорот 10 за двете земји. Се потенцираше дека довршувањето на автопатското и железничко поврзување ќе создаде дополнителни позитивни услови за зајакнување на врските помеѓу бизнис заедниците.