Трамп го посети Забранетиот град

На почетокот на својата посета на Кина, американскиот преседател Доналд Трамп и првата дама на САД Меланија Трамп, придружуван од кинескиот претседател Си Џинпинг и првата дама Пенг Лијуан денеска го посетија Забранетиот гард во Пекинг, каде присуствуваа на музичка и танчарска претстава.

- Прекрасно е, изјави Трамп, по претставата организирана во негова чест.

Трамп и Си ќе вечераат во Забранетиот град, а работниот дел од посетата почнува утре. На агендата ќе бидат трговските односи меѓу двете економски суперсили, како и безбедносното прашање на Северна Кореја.

Претседателот Трамп за време на посетата ќе може слободно да комуницира преку неговата омилена социјална мрежа Твитер, на која инаку им е забранет пристапот на кинеските граѓани.