Иранскиот ајатолах Хамнеи забрани преговори со САД
Иранскиот врховен верски лидер ајатолахот Али Хаменеј забрани секакви идни преговори меѓу Иран и САД. Забраната е само неколку месеци откако Техеран потпиша нуклеарен договор со Западот како резултат на повеќегодишните преговори.
Хамнеи јавно не го поддржа договорот со светските сили постигнат во јули. Договорот се оценува како политичка победа на умерените сили во Иран предводени од претседателот Хасан Рохани.
Хамнеи, во обраќањето пред командантите на воената морнарица на Гардата на исламската револуција, наведе дека преговорите со САД на Иран му донеле само негативности.
- Преговорите со САД ги отворија вратите за нивното економско, културно, политичко влијание и за влијанието врз безбедноста. Дури и за време на нуклеарните преговори се обидуваа да им наштетат на националните интереси во секоја прилика, посочи Хамнеи.
Ставовите на ајатолахот се спротивни на претседателот Рохани, кој се надева на нормализирање на односите со Западот и повеќепати навел оти е подготвен да преговара со Западот за решавање на регионалните проблеми.
Ново на Сител
-
Се заканувал на странска амбасада - Кривична пријава за прилепчанец
-
ЦУК: Заглавена екипа на Брза помош со пациент во лифт
-
До петок нестабилно време со дожд и грмежи, за викендот стабилно и топло
-
Јаневска: Во септември ќе има учебници за основно образование и за средно во најголем дел
-
Синдикатот на полиција во Македонија поднесе кривична пријава против поранешниот министер за внатрешни работи
-
Радев: Политиката на Скопје е насочена против европските принципи
-
Поднесена кривична пријава против Самка Ибраимовски за закани и повици за насилство кон судија на Уставниот суд
-
Марк Руте е новиот генерален секретар на НАТО