Бројот на жртви во најсмртоносниот напад во Сомалија достигна 358 лица

Бројот на загинати во најсмртоносниот напад во Сомалија извршен пред една недела достигна 358 лица, напиша на Твитер сомалискиот министер за информации Абдирахман Осман.

Вкупно 228 луѓе се повредени, а 56 се водат како исчезнати по нападот со камион-бомба во сомалискиот град Могадишу.

Владата во Сомалија ја обвини за нападот радикалната група „Аш Шабаб“, која е поврзана со Ал Каеда и има извршено десетици напади во земјата.