Силите поддржани од САД во Сирија заробија странски команданти од Исламската држава
Сириските милиции, поддржани од САД, во текот на борбите за градот Рака, заробиле високи странски команданти од Исламска држава, но засега не е познато дали ќе ги вратат во родните земји откако ќе им биде судено, изјави портпаролот на вооружената коалиција Сириски демократски сили (СДФ) Талал Сило.
- Тие беа заробени во специјални операции, а некои од нив се предадоа на нашите сили, истакна Сило.
Оваа недела Сириските демократски сили, коалиција од курдски и арапски милиции, прогласи победа во Рака.
Сило одби да прецизира за колкав број високи странски затвореници од Исламска држава станува збор, но рече дека во тек е испрашување од страна на разузнавачите на Сириските демократски сили.
- Постојат затвори дизајнирани само за Даеш (арапски акроним за Исламска држава). Ние не ги ставаме заедно со затворениците. Против нив се води истрага и ќе бидат предадени на судовите. Имаме независен судски систем, кој ќе им суди на секој од нив, рече Сило.
Тој посочи дека засега не е јасно дали по судските процеси, Сириските демократски сили ќе ги предадат на нивните земји, ниту дали засегнатите земји ќе ги прифатат.
- Тоа зависи од ситуацијата меѓу нас и овие земји. Може да имаме договор да ги предадеме, а можеби и немаме таков договор, наведе портпаролот.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера