Ф-1: Јапонското ГП за Хамилтон

Возачот на Мерцедес, Луис Хамилтон триумфираше на Јапонското ГП во Сузука за да дојде на чекор до светската титула во Формула 1, откако неговиот главен ривал, Себастијан Фетел во Ферари имаше механички проблеми и не ја заврши трката.

Зад Хамилтон  беше двојката на Ред Бул, Макс Ферстапен и Даниел Рикијардо, кои покажаа дека австрискиот тим е се подобар како што се движи сезоната.

Со оваа победа, Хамилтон сега има 59 поени предност пред Фетел, на само четири трки до крајот на сезоната, во кои можат да се освојат максимални 100 поени.