Пет цивили повредени во нападот врз аеродромот во Кабул
Авганистанското Министерство за внатрешни работи соопшти дека пет цивили се повредени во денешниот напад врз аеродромот во Кабул, извршен додека таму слетуваа американскиот секретар за одбрана Џејмс Матис и генералниот секретар на НАТО Јенс Столтенберг.
Повеќе ракети и минофрлачки гранати биле истрелани врз аеродромот, при што една ракета паднала во близината на куќа, каде се повредени повеќе цивили, вклучително и најмалку една жена.
И талибанците и Исламска држава преземаа одговорност за нападот, преку соопштенија објавени на социјалните мрежи, при што талибанците тврдат дека стрелале директно врз авионот на Матис.
Според очевидци Матис и Столтенберг не биле во директна опасност од нападот. Тие се во Авганистан на средби со претседателот Ашраф Гани и други авганистански лидери за да ја договорат натамошната западна помош за опремување и обука на авганистанската армија како и да разговараат за испраќањето на дополнителни 3.000 американски војници во земјата.
Ново на Сител
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло
-
Уапсен поранешен помошник министер, поранешен декан и професор на Геодетскиот факултет во Хрватска
-
Палевски тврди дека власта го држи во Турција поради изборите