Цветковски: СДС ја поништува правната држава
- МВР под раководната палка на СДС втор ден молчи за полициската местенка и малтретирање од страна на партиската полиција на Заев и Спасовски врз Митко Јанчев, кандидат за градоначалник од редовите на ВМРО-ДПМНЕ за Кавадарци.
СДС свесни за неминовниот изборен пораз кој ги очекува на наредните локални избори на 15-ти октомври прибегнуваат кон злоупотреба на институциите во полза на партијата.
Со наближувањето на изборите стравот во СДС кулминира. Хистеријата во партијата на власт е се поголема, свесни за големата поддршка на ВМРО-ДПМНЕ кај граѓаните ја користат полицијата со цел сеење на страв и паника. Во петокот вечерта пред партиската конвенција на ВМРО-ДПМНЕ, полицијата на влезот на Скопје без основа го запрела возилото на Митко Јанчев, кандидат за градоначалник за Кавадарци, врз истиот вперила пиштоли и неосновано го задржала подолго.
Целата местенка била приредувана пред очите на минувачите, кои гледале како поголем број на полициски службеници малтретираат еден човек кој не пружа отпор.
ВМРО-ДПМНЕ повикува МВР во најбрз можен рок да го расветли случајот и да утврди индивидуална одговорност, во спротивност ќе се потврди дека во ваквата местенка е заплеткан целиот врв на власта.
ВМРО-ДПМНЕ ги предупредува сите извршители на функции поставени од власта на СДС, мотивирани или охрабрени од врхушката на власт да прават незаконски дејствија и да ги кршат законите за удоволување на партиските барања, дека одговорност за секое криминално дејствие ќе има.
Никој во Република Македонија не е над законот. Законите важат подеднакво за сите. Со враќањето на демократијата и правната држава сите прекршители на законите ќе одговараат, и во тоа да не се сомнева никој.
Марио Цветковски, член на ИК на ВМРО-ДПМНЕ
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот