Ерупција на мексиканскиот вулкан Попокатепатл, расте билансот на жртвите од земјотресите
Вулканот Попокатепетл од синоќа почна да исфрла пепел и пареа, која формира столб од чад во висина до два километри.
Експертите, сепак, сметаат дека оваа ерупција на вулканот не е поврзана со серијата земјотреси, што изминативе две недели погодија делови на Мексико.
Според последните податоци, билансот на жртвите од земјотресот со интензитет од 7,1 степени според Рихтеровата скала, што во вторникот го погоди централниот дел на Мексико, се искачи на 307 лица.
Координаторот на мексиканската служба за Цивилна заштита, Луис Фелипе Пуенте соопшти дека акциите за расчистување на урнатините од потресот продолжуваат, па можно е конечниот биланс на жртви да биде и поголем.
Во меѓу време, во јужната мексиканска сојузна држава Оаксака, која вчера беше погодена од земјотрес со интенизтет од 6,1 степени според Рихтер, е прогласена вонредна состојба.
Според мексиканското Министерство за внатрешни работи, целта на оваа мерка е да се олесни доставувањето на помош на настраданите лица од земјотресите и од претходните удари на урагани. Засега нема информации за жртви при вчерашниот потрес.
Во серијата земјотреси во Мексико, од 7 септември, па досега, меѓу кои три беа со интензитет од над 6,0 степени според Рихтер, загинаа над 400 лица.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата