ФК Вардар ќе игра во Маџари

По ФК Работнички и ФК Вардар одлучи прволигашките натпревари да не ги игра на Националната Арена Филип Втори. Причина високите цени за наемнина на нашиот најубав стадион.

Шампионот како домаќин ќе игра во населбата Маџари. Стадионот „Борис Трајковски" ќе биде новиот бастион на „црвено-црните", кои се селат од Арената, поради високите цени за изнајмување.

Дневен термин за натпреварите од домашното првенство чинат 3 илјади евра со ДДВ, а ноќен термин е двојно поскап.

Вардарци реагираа на високите цени, пред се за европските мечеви, но тука немаат избор, бидејќи само националната арена ги има сите услови за натпреварите под капата на УЕФА.