Инцидент во Лондон: Жена се пикна во училиштето на принцот Џорџ, еве што и се случи
Во лондонското приватно училиште „Сент Томас“, во кое од почетокот на овој месец се школува малиот британски принц Џорџ, првото дете на принцот Вилијам и Кејт Мидлтон, попладнево е активирана безбедносна тревога, откако полицијата уапсила жена која провалувала во зградата.
Жената е уапсена и задржана во притвор, но полицијата и обезбедувањето кое се грижи за Џорџ, започнале со детална истрага за инцидентот.
Во соопштението на полицијата не се открива идентитетот на жената, ниту зошто таа се обидувала да провали во зградата.
Тревогата е покрената откако се дознало дека во текот на вчерашниот ден едно лице добило дозвола да може да влегува во училиштето, што се смета за прекршување на безбедноста.
Лондонските медиуми јавуваат дека полицијата, безбедносните органи и управата на училиштето детално ги проверуваат сите мерки за да се утврди колкава е сигурноста на сите деца.
Медиумите најавуваат дека по овој случај ќе дојде до измена на некои од безбедносните правила во училиштето, кое всушност е одговорно за внатрешната безбедност.
Приватните училишта имаат дополнителна безбедност за да не се случуваат вакви инциденти кои можат да доведат и до евентуално киднапирање на некое од децата кои таму престојуваат до попладневните часови.
Училиштето „Сент Томас“, во лондонскиот кварт Батерси, е избрано за малиот принц, меѓудругото, и поради неговата општа безбедност.
Џорџ бил вчера и денеска во училиштето, но се претпоставува дека не бил таму кога се случил инцидентот.
Кенсингтонската палата, официјална резиденција на војводата и војводката од Кембриџ, Вилијам и Кејт Мидлтон, одби да го коментира инцидентот.
Принцот Џорџ е третиот во редот на претендентите за британскиот престол.
Училиштето има 560 ученици од четири до 13 години. Школувањето годишно чини 17.600 фунти.
Ново на Сител
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми
-
Викендов променливо и нестабилно време, со локален пороен дожд и појава на невреме
-
Претрес во Битола, пронајдена дрога