СЕХА: Вардар убедлив против Горење

Ракометарите на Вардар, кои се актуелни шампиони во СЕХА лигата попладнево ја постигнаа и втората победа во ова натпреварување откако на домашен терен го совладаа словенечкиот тим Горење со 32:19 (12:11). На денешниот натпревар поради повреда не играше Лука Циндриќ, а меѓу подобрите на теренот беше Игор Карачиќ.

Во првиот дел Горење даваше силен отпор на „црвено-црните“, но во второто полувреме европскиот првак беше на вистиското ниво и стигна до убедлива победа. Најефикасен кај Вардар беше Иван Чупиќ со пет голови.

На вториот дуел од 2.коло одигран вечерва Нексе - Војводина 33:28.

Вардар следниот натпревар од СЕХА лигата го игра во петок на домашен терен со Мешков Брест, додека утре во рамките на 2.коло Металург гостува кај Динамо Панчево.