Македонија во група со Словачка и Швајцарија во претквалификациите за Евробаскет 2021

Македонската кошаркарска репрезентација во претквалификациите за Евробаскетот 2021 година е извлечена во групата А заедно со селекциите на Словачка и на Швајцарија. 

На денешната ждрепка во Минхен во конкуренција беа и дел од селекциите кои заедно со Македонија се натпреваруваа во претквалификациите за СП 2019 во Кина.

 

Во групата Б се: Ерменија, Албанија и Данска, додека во групата Ц се Португалија, Кипар и Луксембург. 

Победниците од групите ќе играат во квалификациите за ЕП 2021, а натпреварите ќе стартуваат во ноември годинава.

Македонија беше одредена како носител во „првиот шешир“.