Пожар во плевна во Вејце, оштетени и два автомобила

Ноќеска во пожар во Вејце изгоре целосно плевна и оштетени се дви возила во неспоредна близина на плевсната. Пожарот избувнал во 1 и 45 минути, а настатата штета се проценува на околу 420 илјади денари.

- Во пожарот што избуванл од неутврдени причини  за кусо време целосно изгорел објектот на два ката со 450 бали сено, 9 тони пченица, 8 тони јонѓа, 130 градежни елементи, односно материјали и 4 пластични прозорци што се наоѓале во внатрешноста. Покрај ова оштетени се и две патнички возила „Голф“ со тетовски регистерски таблици оставени во непосредна близина на плевната, информираше портпаролот на СВР-Тетово Марјан Јосифовски.

Тој додаде дека со интервенција на тетовските пожарникари и мештаните пожарот е локализиран,  а според сопственикот на плевната  вкупната материјална штета се проценува на 420 илјади денари.

Полицијата извршила увид и се работи на утврдување на причината за избувнувањето на пожарот и другите поединости.