Кристијано Роналдо пет натпревари „на ладење“

Фудбалерот на Реал Мадрид Кристијано Роналдо е казнет со пет натпревари забрана на настап поради туркањето на судијата на вчершаниот натпревар од Супер купот со Барселона. Роналдо во 82.минута беше исклучен по добиениот втор жолт картон - црвен картон. На тоа тој реагираше неспортски и го турна судијата Рикардо Бенгоечеа. 

Играчот на Реал првиот жолт картон го доби кога во 80.минута припостигнувањето на голот го соблече дресот, а вториот две минути подоцна откако по дуелот со противнички играч падна во шеснаесетникот и судијата сметаше дека „глуми“ и му покажа втор жолт.

Роналдо е казнет со еден натпревар за двата жолти картони и плус уште четири за туркањето на судијата. Покрај неиграњето играчот и клубот добија и парични казни. 

Забраната на настап се однесува на сите натпреварувања во Шпанија, па така Кристијано Роналдо нема да го игра реваншот со Барселона (среда) и натпреварите со Депортиво, Валенсија, Леванте и Реал Сосиедад.