Штети на лозјата поради горештините
Штети на лозјата поради горештините се регистрирани во Тиквешко како најголем лозарски регион во Македонија, информираше денеска Благоја Мишковски, долгогодишен професор по стручни предмети во земјоделско шумарското училиште „Ѓорче Петров” од Кавадарци.
- Оштетувањето е од јаката инсолација и високиот УВ-индекс и тоа само од западната страна. Ова е особено изразено кај лозјата на суво, а зависи и од сортата. На пример десертното грозје од сортата „викторија” е многу отпорно на сончев прегор, а трпезното „мишел” е најосетливо и се што се гледа надвор од листовите, изгорува сосе дршка, рече професорот.
Според него, постојат неколку мерки во ваква ситуација.
- Да не се лачат лозјата од страната на залезот на сонцето и поливање на лозјата пред да настапи топлотниот бран. Белите вински сорти не треба да се лачат воопшто за виното да има зеленкасто-жолта боја која е на цена, а не да има интензивна жолта боја, нагласи тој.
Ново на Сител
-
Хоспитализирани четири лица со голема кашлица, нови 27 случаи
-
Продолжува кампањата за претседателски и парламентарни избори на 8 мај
-
Свечена промоција на нови полициски службеници во Идризово
-
Во понеделник ќе се знае дали ќе поскапи полисата за задолжителното авто осигурување
-
Кикбоксерот Бобан Илиоски светски првак во ВАКО ПРО
-
Киев: Русија ја нападна енергетската инфраструктура во три украински региони
-
Десетици торнада го погодија централниот дел на САД
-
Денеска е Лазарова сабота, утре Цветници - празници предвесници на Велигден