Руанда: Пол Кагаме го освои и третиот претседателски мандат

Долгогодишниот претседател на Руанда, Пол Кагаме лесно го освои и третиот мандат како шеф на државата, на изборите кои ги нарече „формалност“, а во обраќањето во седиштето на својата партија ги повика сонародниците да работат заедно, вклучувајќи ги и оние кои не го поддржуваат.

- Победата им припаѓа на граѓаните на Руанда кои ми укажаа доверба. Ветувам дека ќе го надоградам досега постигнатото и ќе ја трансформирам земјата, истакна 59-годишниот Кагаме.

Тој ќе ја предводи оваа источноафриканска земја и во следните седум години.

Изборните власти синоќа соопштија дека Кагаме од 80 отсто преброени гласови освоил над 98 отсто, нагласувајќи дека не се очекува некоја значителна промена во резултатот.