САД успешно истрелаа меѓуконтинентална балистичка ракета

Американските воено воздухопловни сили истрелаа меѓуконтинентална балистичка ракета од брегот на Калифорнија.

Ракетата „Минитман“ без боева глава е лансирана денеска изутрина од воено воздухопловната база Ванденберг. Тоа е четврти ракетен обид оваа година. Претходниот беше извршен во мај.

ВВС соопштија дека со тестирањето на ракетата била извршена проверка на готовноста, ефективноста и прецизноста на оружените системи.

Последниот ракетен обид се совпадна со ситуацијата во Северна Кореја, која развива сопствена програма за меѓуконтинентални балистички ракети.