Пенс: Иднината на Западниот Балкан е на Запад
Идината на Западниот Балкан е на Запад, изјави денеска во Подгорица американскиот потпретседател Мајк Пенс и најави дека ќе работи на врската помеѓу ЕУ, Балканот и САД.
Пенс на заедничката прес-конференција со црногорскиот премиер Душко Марковиќ изјави дека неговата посета на Црна Гора ја потврдува поддршката на САД на регионот.
- Влезот на Црна Гора во НАТО е историски успех и ја покажува силата на оваа земја само десет години по обновата на независноста. НАТО се состои од големи и мали држави, но САД немаат мали сојузници и ние го цениме нашето ново сојузништво во НАТО, истакна Пенс.
Тој рече и дека иднината на регионот е на запад.
- Верувам дека иднината на Западниот Балкан е на запад и се радувам што ќе работиме на јакнење на врската помеѓу ЕУ, Балканот и САД, нагласи Пенс.
Американскиот потпретседател Пенс кој вчера допатува во дводневна посета на Црна Гора денеска ќе учествува на Самитот на Јадранската повелба. Домаќини на собирот се Црна Гора и Македонија која моментно претседава со Јадранската повелба.
На собирот покрај домаќинот црногорскиот премиер Марковиќ и македонскиот премиер Зоран Заев присуствуваат и премиерите на Хрватска, Андреј Пленковиќ, на Албанија, Еди Рама, на БиХ, Денис Звиздиќ, српската премиерка Ана Брнабиќ и претседателот на Косово Хашим Тачи.
Тема на Самитот се евроатлантските процеси во регионот, јакнење на реформите и улогата и придонесот на Јадранската повелба кон регионалната и глобалната безбедност. На Самитот се предвидени повеќе билатерални средби.
Ново на Сител
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи
-
Киднапиран, избоден и претепан скопјанец – Еден од напаѓачите негов колега
-
ЦУК: Пронајден е изгубен планинар на Плачковица
-
Земјотрес регистиран во Скопје
-
Велика Сабота - денот меѓу смртта и воскресението
-
Одбележување 121 година од смртта на Гоце Делчев
-
Посебен сообраќаен режим денеска во Скопје