Коро: ОН во следните денови ќе воведе санкции за Северна Кореја

Јапонскиот амбасадор во Обединети нации, Коро Бешо изрази надеж дека за неколку денови ќе биде финализирана предлог резолуцијата на ОН за нови санкции кон Северна Кореја поради неодамнешното лансирање на интерконтинентална балистичка ракета.

- Јапонија изнесе некои идеи кои сериозно се разгледуваат од САД и Кина и јас се надевам дека во следните денови ќе можеме да го завршиме тоа, посочи Коро.

САД и Кина минатата недела соопштија дека напредува работата на резолуцијата која треба да биде усвоена од Советот за безбедност на ОН.