Нема пречки за младите македонски ракометари совладан и Алжир за четвртфинале
Македонската младинска ракометна репрезентација успеа да се пласира во четвртфиналето на СП во Алжир откако вечерва во последниот осминафинален дуел го победи домаќинот Алжир со 24:20 (10:11). Утре во четвртфиналето Македонија ќе игра против селекцијата на Франција која славеше триумф над Фарски Острови.
Одличната игра во вториот дел во одбраната пред се го донесе посакуваниот триумф и пласманот меѓу осумте најдобри селекции на светот. Македонија во решавачкиот моменти покажа каркатер во играта и со дисциплина на сите нивоа избраниците на Илија Темелковски стигнаа до победата. Со триумфот нашите ракометари ја замолкнаа и 10.000 илјадната домашна публика.
Победата е уште позначајна ако се знае дека Марко Нелоски поради повреда во првите две - три минути не беше во составот, а по 10 минути игра во вториот дел се повреди и Филип Арсеновски и тој повеќе не се врати во игра.
Со осум голови кај Македонија најефикасен беше капитенот Филип Талески.
Според распоредот Македонија утре против Франција треба да игра со почеток во 19:30 часот.
Во другите четвртфинални дуели играат: Германија - Тунис, Данска - Русија и Унгарија - Шпанија.
Сите четири селекции од групата на Македонија (Русија, Шпанија и Тунис) изборија пласман меѓу осумте најдобри селекции.
Ново на Сител
-
Медведев седми пат во кариерата елиминиран на стартот на Ролан Гарос
-
Иран објави три црвени линии во преговорите со САД
-
ЈПДП: Лентите за MTAG од 15 јуни ќе бидат исклучиво за корисници со електронски тагови
-
Автомобил се преврте на штипската улица „Панче Караѓозов“, по што заврши во двор на една од куќите
-
Мицкоски-Пленковиќ: Македонскиот пат кон ЕУ е исполнет со непринципиелни и неправедни блокади
-
Мотор влечел 12-годишно дете по улица во Драчево
-
Речиси 80 отсто од потрошувачката на струја во март е обезбедена од домашно производство
-
Три случаи на семејно насилство за едно деноноќие: приведени мажи во Битола, Куманово и Кичево
