Манчевски: Неделава извештај за вработувањата и за бројот на јавната администрација
Министерот за информатичко општество и администрација Дамјан Манчевски денеска најави дека во текот на оваа недела Владата ќе излезе со детален извештај сите вработувања од новата Влада, но и за вкупниот број на вработени во јавниот сектор.
- Во текот на оваа недела, многу побрзо од предвидениот рок ќе доставиме детална информација за сите вработувања. Ќе се види дека се создава фама околу нешто што апсолутно е согласно закон и не постои никакво гломазно вработување, но исто така ќе излеземе и со детална информација за сите незаконски, илјадници незаконски вработувања во периодот од распишувањето на парламентарните избори до креирањето на новата Влада, како и со многу детален извештај за, можам да кажам, измамата околу вкупниот број на вработени во јавниот сектор, изјави министерот Манчевски одговорајќи на новинарски прашања при промоцијата на новата инвестиција во InPlayer.
Во врска со поставувањето нови кадри на клучни позиции во власта, рече дека има доволно време и оти она што го прави новата Влада е да ги постави соодветните кадри, а не, како што рече, насилно поставување кадри на одредени позиции.
- Она што за разлика од претходната влада го правиме, не се случува во еден ден со насилно поставување на кадри на одредени позиции, туку навистина ги наоѓаме соодветните луѓе коишто треба да ги исполнат соодветните услови за да може соодветно да одговорат на задачите. Но, апсолутно не очекувам никаков проблем и тоа во многу брзо време ќе биде завршено, рече Манчевски.
Појасни дека станува збор за процес во кој сите коалициски партнери во Владата да најдат соодветни кадри за соодветна позиција.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување