САД ќе им забранат на Американците да патуваат во Северна Кореја
Американските власти ќе им забранат на своите државјани да патуваат како туристи во Северна Кореја, пишуваат медиумите во САД, повикувајќи се на соопштенијата на две туристички агенции кои организираат вакви патувања.
Агенциите „Корјо Турс“ и „Јанг Пајонерс турс“ чие седиште е во Кина, соопштуваат дека ваквата одлука ќе биде обелоденета на 27 јули, како и дека ќе стапи во сила 30 денови подоцна.
Потврда на ваквите вести, засега, нема и од властите на САД.
Агенцијата „Јанг Пајонерс“ го организираше патувањето на младиот американски студент Ото Вармберг во Северна Кореја. Тој беше уапсен во Пјонгјанг кога сакаше да се врати во САД, со обвинување дека „украл од хотелот политичко-пропаганден плакат“. Беше осуден на 15 години тешка работа, но во јуни годинава беше пуштен од затворот во состојба на кома, од која не се разбуди. Младиот Американец почина само една недела по враќањето од Северна Кореја.
Оваа агенција подоцна соопшти дека повеќе нема да прифаќа американски државјани за патување во Северна Кореја.
Во одвоени изјави, двете туристички агенции објаснуваат дека за одлуката на американските власти разбрале од шведската амбасада, која ги застапува интересите на САД во Северна Кореја.
Амбасадата ги известила дека во тек е пребарување и пребројување на сите американски државјани кои во моментот се во Северна Кореја.
На сите Американци им се советува веднаш да ја напуштат оваа земја.
Ново на Сител
-
Нетанјаху ја отфрли Резолуцијата на ОН за поддршка на признавањето на палестинската држава
-
Часовници на Шумахер продадени на аукција за 4,1 милион евра
-
Намалени производството и продажбата на шумски производи
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“