Откупот на бостанот без проблеми
Откупот на бостанот за кој Владата обезбеди дополнителни два денара субвенции, тече без проблеми и во најдобар ред. На сите откупни центри се даваат кантарни белешки и се води целосна евиденција.
Според министерот за земјоделство, шумарство и водостопанство Љупчо Николовски, стабилизација на цената се очекува по 15 јули кога количините лубеници на пазарот ќе се намалат.
- Бев на терен. Навистина имаме сериозен проблем со бостанот поради производството во околните земји, особено во Србија. Затоа веднаш, по сите средби со производителите и откупувачите, на итна владина седница ја донесовме Одлуката за дополнителна субвенција од два денара по килограм продадени лубеници кај регистрирани преработувачи од 3 до 15 јули, кога и количините за пласман се најголеми. Земјоделците укажаа дека токму овој период, од 3 до 15 јули ќе биде најкритичен и дека се очекува стабилизација на цената дури потоа зашто понудата ќе се намали, вели Николовски.
Субвенцијата се однесува за откупна цена до максимум четири денари, но услов е и производството да не биде поголемо од 50.000 килограми по хектар што, секако, нагласува министерот, е максимум кој може да се достигне.
- Оваа мерка е по предлог на двете страни, производителите и откупувачите. Им понудивме и субвенционирање по хектар кое можевме 100-процентно да го зголемиме, но ваквата опција не беше прифатена. Затоа ја одбравме мерката дополнителни два денара, како што побараа производителите, а се согласија и откупувачите, потенцира Николовски.
Укажа и дека цената на бостанот падна на три денари поради што Министерсвото за земјоделство итно реагираше и интервенираше.
Ново на Сител
-
Планирале напади за новогодишните и божиќните празници, притвор за 4 лица кои создале терористичка организација
-
Обвинение за убиството кај „Мавровка“, го убил од користољубие, пукал и кон полицијата во обид да избега
-
Ванделт: Не ни е познато дека некој од германските инвеститори планира кратење на работни места
-
Азески: Да одиграме многу внимателно во 2025 година за да немаме тешки последици
-
Агелер без коментар за чекорите на Обвинителството по американското јавно назначување на функционери за корупција
-
Груби за Косово заминал со дипломатско возило непосредно пред полициската акција
-
На Самитот ЕУ-Западен Балкан нема да се разговара за уставните измени, посочуваат извори од Европскиот совет
-
Макрон му постави рок на новиот премиер Бајру да формира влада