ПССЕ: Истражувачкото новинарство е „јавно добро“
Истражувачкото новинарство е „јавно добро“ и „главно оружје во борбата против корупцијата“, стои во Резолуцијата на Парламентарното Собрание на Советот на Европа (ПССЕ) усвоена синоќа, врз основа на извештајот на турската пратеничка Ѓулсун Билгехан.
Како што јави дописникот на МИА од Стразбур, пратениците од 47-те земји членки на Советот на Европа, ги поттикнуваат нивните национални парламенти „активно да бараат синергија со новинарите и истражувачките медиуми во промовирањето на акцијата за добро владеење" и да го признаат „правото да даде аларм во сите случаи во кои се врши објавување со добра волја на информации кои се јасно од јавен интерес“, како на пример кога станува збор за кршење на човековите права или кривичното право, вклучувајќи активен или пасивен поткуп или факти кои откриваат закани за безбедноста, здравјето или животната средина.
Остварувањето на ова право треба да биде „објективен услов за исклучување на кривична одговорност“ и „мерките на навредување, одмазда или притисок против изворите на информациите“ треба да бидат забранети и казнети.
Во препораката, Собранието особено смета дека Советот на Европа „треба посилно да го поддржи подобрувањето на националните законодавства за транспарентноста и пристапот до информациите и заштитата на изворите на информации“ и ја истакна потребата да се спроведе проценка на националните практики и легислатива за ова прашање.
Благодарејќи на истражувачкото новинарство и на истражувачките медиуми, беше откриен скандалот „Кавијаргејт“ во кој се вмешани членови на ПССЕ, по што е назначена тричлена експертска група која треба да истражува за наводната корупција на некои челснови на ова тело.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време